| lyric | Our’in üert es ün gibus.
L’uzlana disch: „O, grondius!
Quel, creschü è’l be per mai
suot ils razs dal chod sulai.“
Il gibus, bod sparmalà
squass’il cheu e disch da na.
„Crajast tü, cha be per tai
sun creschü suot il sulai?“
Ma na, na per alch plü grond
sun gnü miss eu sün quist muond!
„Tscherch’alch oter per ta fom,
tü uzlana dal malom!“
L’uzlana, va be cul cheu bass,
per üert intuorn uossa a spass.
„Quel gibus es ün noschun,
nu’m cuischa ün baccun!“
Qua vain la paura cul curtè
e taglia giò’l gibus, uschè.
L’uzlana disch: „Aha,
uossa saja co chi sta!“ |