| lyric | 1. La giunfra lindorna
ha pers üna corna.
Ell’es disperada
e’s sainta sgradada.
2. Quy vain il silip,
ün schlass e bel tip,
el fa ün inclin
e mots sainza fin.
3. „Ma guinfra lindorna,
eir sainza la corna
am plaschast stupend,
perquai ch’eu t’ha jent.
4. La corna chi’t manca,
quai d’eir’üna tschanca,
e quai es bler letta
co perder la dretta!“
5. Sün quai la lindorna
invlida sa corna,
fa svelta la lai
cuntainta sco mai.
6. Be quia o là
tilla para puchà
chi’d es güst la tschanca
cornina chi manca! |