| lyric | Pastuors, o stat sül
Sül pas-ch es gnü di.
’Na glüm uschè clera
cuverna la terra.
Umans s’allegrai:
naschü es vos rai.
Già sun els aqua
immez la cità.
E giò da l’otezza
as rasa clerezza
es anguels sül ot
a Dieu chantan lod.
Pastuors gnit dabot
dal pas-ch tras il god!
Tscherchai quella stalla
ch’ingün nun as falla
dad ir sül vial
pro’l lö da Nadal!
„La gloria a Dieu
e lod al figl sieu.
E pasch sün la terra,
cha’l lö chi ha guerra
resainta eir el
la nouva dal tschêl.“ |