| lyric | 1. I d'eir' üna jada ün chalger,
da cumorar avaiva bler,
scha hoz las s-charpas han servi,
ingün nu las cumoda plü.
2. I d'eir' üna jada ün mugliner,
molaiva gran per ün furner,
ma our dal chomp es gnü ün prà
e sün qual hana fabrichà.
3. I d'eir' üna jada ün farrer,
chi cun fiergiar quintaiva bler,
daspö cha’ls paurs van cul tractor,
nu fiergia’l plü ne bouv ne tor.
4. I d'eir' üna jada ün chavrer,
e seis cumpogn d’eir’ il bescher,
ma hoz as vezza ils pasterets,
be plü in cudeschs sün purtrets.
5. Uschè il muond s’ha bler müdà,
el nun es plü quel d’üna jà,
perquai vulaina cumanzar
eir hoz amo a til müdar. |