| lyric | 1. Qua vzains ils set nanins,
gnir giò dals set nuottins.
Fat svelt chi vain bod s-chür,
Naivitta spetta sgür.
2. Sta bain chavriöl, leivrina,
e dorm’ eir sü mürina,
a tuots utschels dal god,
as dain la bun anot.
3. Il tschêl es plain stailinas,
sün via set glüminas
fan cler als bravs nanins,
chi van be muosch muoschins.
4. Pamplun, ramplun, ramplit,
Naivitta vè subit
e lascha’ns svelt entrar,
nu’ns far plü lönch spettar.
5. La matt’ a tuots bivgnainta,
minchün sül banc as tschainta,
intant in chadafö
la schoppa es sur fö.
6. Ed uossa sun’ amaisa,
sper els bavrond’ e spaisa,
els lichan our il plat
dal bain chi’ls gust’ il trat.
7. Alur’ al pos as mettan,
a gnir daman els spettan
e dorman clos e bain
aint ils lettins sül fain. |