| lyric | 1. La föglia uossa crouda,
la stà na tut cumgià,
las randulinas svoulan
dalöntsch davent da qua.
2. Tuot vöda la champogna,
las fluors van a durmir.
In god ed in muntogna
sto uossa tuot sflurir.
3. Las bellas chürallinas
nu svoulan plü intuorn.
Il char sulai es tuot zoppà
davo ün grisch tschierom.
4. Adieu tü stà tant chara
tü stoust ans bandunar.
Scha tuornast üna jada
vulain ans allegrar. |