| lyric | Sast dombrar tü las stailetas
chi sun al firmameint?
Sast quintar tü las nüvletas
chi van là eir our ed aint?
Facil poust tü at persvader
cha que sa be il Creader,
stant lur numer sainza fin,
stant lur numer sainza fin.
Sast dombrar tü las flurinas
chi orneschan prà e god?
Sast quintar tü las bes-chinas
chi’s divertan in la stà?
Dal Creader sun clomadas
a la vita e nonadas
cha brich üna po mancara,
cha brich üna po mancara.
Sast tü quants uffants alura
in lur lets chi dorman bain?
e da di han leida dmura
suot il tschêl bel e serain?
Dieu, il bap tant buntadaivel
guarda tuot cun ögl plaschaivel,
ed eir tü est seis uffant,
ed eir tü est seis uffant. |