| lyric | 1. I bin der Turlhofer von der Sunnenseiten,
hab an Troadacker,
hab a Haberleit’n.
¨Hab zwoa Goaß im sTall,
hab zwoa Böck am Pfluag,
saubre Dirndln hab i allweil gnua.
2. Da droben am Heubodn, da is a Dirndl obm,
wann a saubre war,
war i längst scho drom,
Weils a schiache laut,
is ma allwei gwiß,
dö am Heubodn da dromat is.
3. Wann i am Sonntag
dann bei mein Dirndl bin,
sie tuat Zither schlagn
in der Hütte drin.
Da wird gjuchazt laut, gsunga a dazua,
durch die ganze Nacht is da koa Ruah.
4. Und die alte Mahm ha an großn Kropf,
schreit wanns Maul aufmacht
wia a Wiedehopf.
Hat zwa krumpe Füaß,
hat zwa lange Händ,
und im Maul drin vier hohle Zähnd. |