| lyric | 1. Er' ella bula matta, matta culs marenghins,
ier e stiarsas silla platta sin Canal e Surmulins?
2. A sulegl eis ella stada liunga piaza spel badugn,
ha mirau sur la vallada giu sil vitg e siu murmugn.
3. Ha scurlau cunfatscha leda ses ballinis, ses plumatschs;
ei lu stada tut cun peda contemplond ils vegls spinatschs.
4. Marenghins sco fiug che brischan ha ’la spons vid mintga rom,
mellens, cotschens che tarlischan ella triembla, el cagliom.
5. Ei lu stada si ed ida senza prescha sa quei si;
egl uaul ei ’la svanida, si els grugns davos gl’schi.
6. Er’ ella buc la matta, matta culs marenghins,
ier e stiarsas silla platte sin Canal e Surmulins?
7. Si dila bass ei la brentina seruschnada sur il Tgiern.
Uss la matt’ ei buc adina: Tem, jeu tem, prestvegn gl’unviern. |