| lyric | 1. Wi' a hundred pipers an' a', an' a',
Wi' a hundred pipers an' a', an' a',
We’ll up an’ gie them a blaw, a blaw.
Wi' a hundred pipers an' a', an' a',
O’ it’s owre the Border, awa’, awa’,
It’s owre the Border, awa’, aawa’,
We’ll on an’ we’ll march to Carlisle ha’,
Wi’ its yetts, its castle, an’ a’, an’ a’.
Ref.: Wi’ a hundred pipers an’ a’, an’ a’,
Wi’ a hundred pipers an’ a’, an’ a’,
We’ll up an’ gie them a blaw, a blaw,
Wi’ a hundred pipers an’ a’, an’ a’.
2. Oh! our sodjer lads look’d braw, look’d braw,
Wi’ their tartan, kilt, an’ a’, an’ a’,
Wi’ bonnets, feathers, an’ glitt’rin’ gear,
An’ pibrochs soundin’ sweet and clear.
Will they a’ return to their ain dear glen?
Will they a’ return, oor Hieland men?
Second-sighted Sandy look’d fu’ wae,
An’ mithers grat when they march’d away.
3. O wha is foremost o’ a’, o’ a’?
O wha does follow the blaw, the blaw?
Bonnie Charlie, the Prince 0’ us a’, hurrah!
Wi’ his hundred pipers an’ a’, an’ a’,
His bonnet an’ feather he’s wavin’ high,
His prancin’ steed just seems to fly,
The nor’ wind sweeps thro’ his golden hair,
An’ the pibrochs blaw wi’ an unco flare. |