| lyric | geschter z'nacht het ds nüünitram
statt hei i ds’ depot z’gah
plötzlech niemer wei warum
sys schinegleis verla
isch zum himmel ufegfloge
und dert natina
i der nacht verschwunden
ohni spure z’hinferla
sibe hünd hei kläglech gjoulet
grad wo das isch gscheh
und e chalte windstoss
isch dür d’monbijoualle
und s’het e betrunknee
wo als einzige het gseh
dür die lääre strasse brüelet:
oherjemine!
das het amne polizischt
wo dert zur stell isch gsy
hüenerhut ygjagt
dass är es ei het gleit derby
und e frou hat dänkt:
wi nützlech doch die tschugger sy!
het ds’ei gno und’s bräglet
bis’s es stierenopug isch gsy
doch dr stier isch us dr pfanne
drusbrönnt und derve
d’frou het afa brüele
lut und zetermordio
bis der stier in es tram
verwandlet het und so
uf de gleis isch wytergfahre
gägeet s’ tramdepot
druf ischs wider stiller worden
und de schliesslech rue,
ds’ nüünitram isch hinden um
e rank em depot zue
eine het no grüeft:
i pfusse, blaset mir i d0schue
und dir heit jitz vo mym gschichtli
sicher alli gnue. |