| lyric | weh mir, het e ma vor jahre gchlagt,
i han es unrächt ta
geschter won i tram bi gfahre
und es dert vil lüt het gha
da han i chuum darf i’s wage
z’säge han i wil mii halt
niemer isch dernah cho frage
für die fahrt kes billiee zalt
gloubet nid i syg so eine
däm das glych isch oder gar
i tüegt mi der mit no meine
gloubet das nid, s’isch nid wahr
nei mi schmärzt dass i ha bschisse
dass won ig usgschtige bi
ds’trambillie no unabgrisse
isch im büechli inne gsy
ach i hätt mi sölle zwinge
gäb i hätt das tram verlah
no mis büechli däm ga z’bringe
wo das billie doch mues ha
hindedry chasch lang ga säge
settigs ränkt sech nümmen y
s’isch passiert s’hilft nüt dergäge
dass i schuldig worde bi
mänge würd zwar, nim ’i a,
d’sach jitz entschuldige
dermit dass es leider isch ’se tatsach
anderwytig schlöimmers git
aber i bi süsch geng ehrlech gsy,
ha nie es unrächt ta
jitz isch d’ehrlichkeit entbehrlech
won i ds’ tram scho bschisse ha
so het dä denn gchlagt
bis allne lüt verleidet isch
und da är het gmeint är syg e gfallne
het är sech du falle la afangs
het er nume trunke
un het mitesech grächtet
no druf isch är geng tiefer gsunke
bis är isch i ds’ zuchthus cho
was isch vo der schnuderbare
gschicht d’moral? si lutet sträng:
ganget nie im tram ga fahre
oder zalet emel gäng
oder wenn vilicht es paar sy
wo’s wei wüsse isch d’moral:
wär meint är sött unfählbar sy
isch fählbarer als normal |