| lyric | uf dere farbfoto gseht men e ggutschte
wo fahrt am nen aben am meer
drinn sitzt es blidhüsches mannequin
dernäbe der arm um ins gschlungen e heer
d’stärne schyne vom tiefblaue himmel
drufaben und undedra steit,
ds glück sygi das und es glas vom liqueur
i weis nümme wi men ihm seit
i bis jitz numme sälten am abe
i ggutsche ga fahren am meer
bi mit kem mannequin befründet
und liqueur das schetzen i nid eso sehr
aber sitdäm i die foto ha gseh
und ha gläse was undedra seit,
weis i was mir i mym truurige läbe
doch eigentlech alles entgeit
mietet drum dir wo mit mannequins bekannt syt
e ggutsche am beschte no hütt
fahret a ds’ meer wenn es aber wird mämet
dä liqueur und ds liqueurglas mit
denn üses mönschleche läben uf ärde
das müesst dir doch zuegä isch mys
und we me weis, wo me ds glück cha ga finde
de fragt me doch nid nach em prys |