| lyric | 1. ""Was nimmt eusen Ätti d'Montur und 's G'wehr?""
Du fragst verstunt, mis Wib;
Meinsch öppe-n-i well an en lustige Tanz
mit dir zum Zievertrieb?
O Annemarie, die Zite sind verbi!
O Annemarie, die Zite sind verbi!
Der Chriegsturm pfift a d’s Schwizerhus,
Gott b’hüet di, d’Landwehr zieht hüt us,
und los, was eusi Tambours schlönd:
Mier sind Landwehrsoldate
vom feufevierzg, feufevierzg,
fuefevierzger Regiment,
sind Landwehrsoldate
vom feufevierziger Regiment!
2. „Was nimmt eusen Ätti d’Montur und ’s Gwehr?“
Mis Buebli luegt mi a: Meinsch öppen
i well mit’em Maie am Hut
Zum Schißet und zum Schoppe goh?
O junge Joggeli, die schöne Zite ist hi!
O junge Joggeli, die schöne Zite ist hi!
Jetzt nimt der Vater d’s Gwehr i d’Hand
Und staht für di ane Schützestand,
Wo jede nur ei Schibe kennt:
Mier sind Landwehrsoldate vom feufevierzger Regiment!
3. „Was nimmt so nen Ätti d’Montur und ’s Gwehr?“
Fragt mänge junge Fötzelhund;
Meinsch öppe-n-underme Landwehrschnauz
Seiet Chnoche nümme frisch und gsund?
Junge Chnab, wenn’s mueß si, mier haue wie-n-ihr no dri!
Junge Chnab, wenn’s mueß si, mier haue wie-n-ihr no dri!
Und ist âu der Grind bis i Rügge abe blott,
Es weiß doch, wo-n-er dure wott,
Mier Manne hend d’Hoor uf de Zähnd!
Mier sind Landwehrsoldate vom feufevierzger Regiment!
4. „Was nimmt eusen Ätti d’Montur und ’s Gwehr?“
O Schwizer Volk, frag nit;
Mier strecket der Lib wie Maiebäum
Für di in Reih und Glied!
O, Vaterland für di, git jede alles hi!
O, Vaterland für di, git jede alles hi!
Und trifft der Blitz dis grüeni Holz,
So stell eus alti Bäum de stolz
Dert hi, wos grad am hellste brennt!
Mier sind Landwehrsoldate vom feufevierzger Regiment! |