| lyric | 1. There was a jolly beggar, and abeggin' he was boun';
And he took up his quarters into a landwart toun,
Chorus:
And we’ll gang nae mair arovin’, arovin’ in the night,
And we’ll gang nae mair arovin’, let the moon shine e’er sae bright,
And we gang nae mair arovin’.
2. He wad neither lie into the barn, nor yet wad he in byre,
But in ahint the ha’ door, or else beyont the fire.
3. The beggar’s bed was made at e’en, wi guid clean straw and hay,
Just ahint the ha’ door, and there the beggar lay.
4. Up raise the guidman’s dochter, and a’ to bar the door,
And there she saw the beggar man was standin’ on the floor.
5. He took the lassie in his arms, and to the neuk he ran,
‘0! hooly, hooly, wi’ me sir, ye ’ll wauken our guidman.’
6. He took his horn frae his side, and blew baith loud and shrill,
And four and twenty belted knights came skippin’ o’er the hill.
7. And he took out his little knife, loot a’ his duddies fa’,
And he stood the brawest gentleman that was amang them a’. |