| lyric | 1. Uf de Bärge-n-isch guet läbe
d’Chüejer jutze nit vergäbe!
Hie, wo-n-üs d’Flüehlerche singe,
hie wo d’Gemschi vor is springe,
wie de Vögel i de Lüfte
isch hie obe üs so wohl!
2. Zwar si nit Batzegrübler;
notti si mer nüt deft’ übler!
Üsi Spiys isch CHäs u Ziger,
früschi Lische üses G’liger.
We mer hei, so viel mer bruche,
si mer ja die rychste Lüt!
3. Kene steit is hie vor d’Sunne;
allem G’schär si mir ertrunne!
Kumplimänt u chrusi Mode
wachse nit uf üsem Bode.
Hunderttusig närrisch Flause
chennt me-n-uf de Bärge nit.
4. Freyi lüt hei d’Freud vergäbe;
drum isch nüt wie ds Chüejerläbe!
We si dert im Tal scho schnuufe,
chunnt d’r Chummer nit hie ufe.
Früschi Luft verschücht is d’Sorge,
macht is gäng e früsche Muet!
5. Chunnt es einisch de zum Scheide;
he, so gange mir mit Freude!
Ihr, in eurem Stadtgetümmel,
sit o z’volem wit vom Himmel.
Mir uf üse höche Bärge,
si scho längste z’nächst derby! |