| lyric | 1. Was weisch du vo mir' Heimat, mim schöne Züribiet?
Häsch du’s scho gseh im Maie, wänn alles grüent und blühet?
Bisch du scho uf em Üetlibärg, scho uf em Hörnli gsii,
scho gfahre uf em Zürisee, scho gwanderet am Rhii?
2. Kännsch du de Reiz vom Chelleland, de Rafzerfälder Wii?
Weisch du es Plätzli irgendwo, wo’s no chönnt schöner sii?
Säg, isch es z Basel oder z Bärn so schön wie d Züristadt?
Säg, isch es neima so fidel, so gmüetli und so glatt?
3. Bisch au scho mal im Thurtal gsii, scho uf em Chlotner Fäld?
Säg, isch es naime no so schön uf euser wiite Wält?
Git’s wohl no so ne Bachtelsicht, en Türlersee im Grüene?
Säg mers frisch vo de Läbre wäg: „Nei, das gits doch niene!“
4. Drum schätz i halt mis Züribiet,vom Rhii zum Zürisee,
dänn so nes köstlichs Märliland git’s eifach nienemeh!
Und drum sing ich vo Härze gern mis liebi Heimatlied,
vom Under- und vom Oberland, vom schöne Züribiet! |