| lyric | 1. S git es Fläckli i der Schwiiz,
z usserscht uss am Rand da liits.
s hät kei Alpe, kei grossi Stadt,
defür de Rhii und au na d Glatt.
Schöni Dörfer, es Städtli au,
wo chönnts das sii, ja ganz genau!
s Rafzerfäld isch min Heimet,
ich bin dehei m Rafzerfäld.
Git’s au na so schöni Plätzli
uf der grosse, wiite Wält.
Bin i dänn mal i der Fremdi,
dänn merk i dass mer öppis fählt.
S zieht mi zrugg i mini Heimet,
ich bin dehei im Rafzerfäld.
2. S isch nümm alls e so wie früener,
s wird halt alles jetzt modern.
Neui Hüser so wiit magsch gseh,
vill meh Verchehr, und au meh Lärm.
Känsch nümm jede im ganze Dorf,
und doch, ich wohne da so gern!
s Rafzerfäld isch mini Heimet,
im Rafzerfäld bin ich dehei.
S hät nüd nume schöni Fälder
nei s hät au en Huffe Stei:
Doch so oisch es au im Läbe.
s isch mängsmal härt und bisch elei.
Grad drum gfallt mer mini Heimet,
im Rafzerfäld bin ich dehei!
3. Altigsässni, Neuzuezogni,
Jung und Alt mir wohned da.
s burhct vill Rücksicht und Toleranz,
zum s Alte wahre und s Neu verschath.
Vonenand au no öppis lehre,
und mitenand i d Zuekunft gah!
s Rafzerfäld isch mini Heimet,
mir sind dehhei im Rafzerfäld.
Mienand wänd mir’s probiere
chumm mach mit, muesch nüd studiere.
Zäme Singe, Tanze, Lache,
und au die tollschte Fäschter mache.
so glingt’s eus dass all chönd säge:
mir sind dehei im Rafzerfäld! |