| lyric | 1. I weiss bim tusige Tüfel nüd
das ledige Lebe gfallt mer nüd.
i weiss bim tusige Tüfel nüd
das Lebe das gfallt mer nüd.
2. Und wenn i a mis Schätzli denk,
so zittered alli Stüel und Bänk,
und wenn i a mis Schätzli denk,
so zittered Stüel und Bänk.
3. So lang’s no Chrut und Chnöpfli git,
so lang verderbet d Schwabe nit,
so lang’s no Chrut und Chnöpfli git
so lang verderbet si nit.
4. So lang’s no Speck und Bohne git,
so lang verderbet d Schwizer nit,
so lang’s no Speck und Bohne git
so lang verderbet si nit. |