| lyric | 1. De Früelig chunt mit jedem Tag,
han ordli müese plange.
Es Krokus blüet im Gartehag,
de Schnee isch scho vergange.
Es tunkt mi, ietz wärd alles guet,
mües mir käi Sorge mache.
Wohör de nöi Früeligsmuet,
am Morge bim Vertwache?
2. Zum Läbe ghört de Sunneschii,
grad gliich wie au de Räge.
S cha keine nume glücklich sy,
er mues sis Bürdli traäge.
Und frög mi: Gaat ächt alles guet?
Fang mir aa Sorge mache,
so git mer öppis guet Muet,
am Morge bim Vertwache:
3. E chlises Glück isch niene wiit,
me mues no möge gwarte.
Wänns hüür emal kei Oepfel git,
so fröi mi halt am Garte.
Und tänk ich öppe: Gaats ächt guet?
Fang mir aa Sorge mache,
so git mer öppis guete Muet,
am Morge bim Vertwache:
4. Mir händ zwar au käi heili Wält,
es staat nüd alls zum Beschte.
Problem gits gnueg und zwenig Gält,
und wo me lueget, Breschte.
Doch mängmal chunt, das tuet is tuget,
trotz allne schwäre Sache,
sogar es bitzlli Uebermuet,
am Morge bim Vertwache: |