| lyric | 1. Juchhe! glückli ist mi Gret,
denn sie kriegt en Handelsma,
der e rechts Vermöge hät
us em Chyburg Oberamt,
Fürstei hät er ja sogar,
Bändel und dergliche Waar.
2. Geld verdient er frili scho
seis au numme z’Chrüzern Wis.
Wänn de Handel nüd will gio,
fangt er Frösche oder Müs.
Und so bald ers mache cha,
fangt er s’Chümmihändeli a.
3. Wänn er so bim Esse sitzt,
schafft er brav, er ist nüd ful,
Bröcke schluckt er, bis er schwitzt,
denn er hät kei Zäh im Mul.
S schille stoht em prächtig a.
S seit ems denn en jede Ma.
4. Suber ist er, seb ist wohr
hät er nüd en dicke Chopf,
grüeni Bagge, roti Hoor
und en wetters nette Chropf.
Churz de Bursch wär zimli nett
wän er numme huuse tät.
5. Chleider hät er, saperlot
bis uf d Hämper alles guet,
Blätz uf Blätz, blau, grüen und rot
und en schöne gflickte Huet.
Sches Pfund wiegt en jede Schue,
churz, de Bursch het Sache gnue. |