| lyric | l. Min Suh, de gsehst, i bi scho alt
Und meine nu, es gschwini bald
I has halt au, wie's all Lüt hend,
Verleih mir Gott, e seligs End.
2. Mis Alter isch uf achtzi cho,
ha gwüss au vil erfahre scho
s hätt gut und böse Zitte ge
Es wird di wohl nit Wunder neh.
3. Bi vierzeh Jahr en Wittlig gsi,
und Wiber han i gha scho dril
doch alli hemmer d Sach recht tha,
drum sinds gwilss all im Himmel cho.
4. Drum such du dir ein solches Wib
Das munter ist a Seel und Lib
Das s'Burewerche wohl verstaht
Denn lueg wies all Jahr fürsi gaht.
5. Nimm keine, die mit Kleiderpracht
Mit Spitz und Band vil Wesens macht,
hett si au tusig Gulde noh,
könnt glich nid mitere dure cho.
6. So eine staht dem Bur wohl a,
die huse, werche, spare cha,
so eine nimm, i ha ders gseit,
denn bisch verseh i Freud und Lrid.
7. Wills Bätte au zur Arbet ghört,
so seis dir über alles werth,
die Bible übergeb ich dir,
min Götti hett si ghelset mir.
8. Si hett i Chrütz und Noth mich gstärkt
und zur Geduld mis Herz erweckt,
und d Mueter selig het au gseit,
die Bible sei ihr Trost und Freud.
9. Gib jedem was d ihm schuldig bist,
Almose dem ders nöthig ist,
und mach de Rappe auch nid z chli,
de muest den au nüd z'gittig si.
10. So wirst du denn mit Ehre gro,
dis Herz ist bis is Alter froh,
und drukt de Tod dir d Auge zue,
chunst ordli au in Himmel ue. |