| lyric | 1. Use ihr Chinde! De Maie isch do!
Blüemli ganz Gschaare sind mit em aachoo:
Schöner und schöner und allewiil meh,
chömer uf Berge und Tälere gseh!
Juhei soso. Juhei soso.
Luschtig ihr Chinde de Maie isch do.
2. Chömed und mached i Chränzli und Strüss.
Bräched i Blüemli schön rot und schön wiiss:
Wiis und rot ach wie schön isch doch das,
s schickt si zu Euere Bägglenen bas.
3. Singet wie d’Lerche so munter und froh.
Priised de Herrgott wo d Blüemli gheisst cho:
Alls hät er gmachet was gross isch und chlii,
dänket wie guet mues de Herrgott doch sii:
4. Grüsset die Maie, er duret nüd lang.
Bald isch verschwunde der Vöglene Gsang:
Bald sind, ihr Chinde, luegt hi und luegt her,
d Wise und d Waide vo Blüemlene leer. |