| lyric | 1. Leue, schüttlet eui Mähne,
Tiger, höret uf so gähne,
Bäre, machet nümm der Löli,
chrüüchet gleitig aus dr Höhli,
Jaguar, nümm vo Chuefleisch träume,
Fuultier, chlättred ab de Bäume
und verwachet nodisno!
d Nacht isch verby, dr Morge isch do.
2. Elefante, schwinget d Rüssle,
Wildsöi, zu de Zmorgeschüssle,
Murmeltier, machet s Männli,
Hirsche, chömet us de Tännli,
Seehünd, schwümmet rasch e Rundi,
Pinguin, machet es paar gsundei Gümp
und blybet nid so stoh!
d Nacht isch verby, dr Morge isch do.
3. Ufstoh, alli Antilope,
Puma, lüpfet eui Tope,
Zebra, putzet eui Streife,
dohets Bürsten und e Seifem
Affe, nümm am Füdli chratze,
luuset gschider eui glatze,
dass dir euch chönnt luege loh!
d Nacht isch verby, dr Morge isch do.
4. Patrick, Fritzli und Natascha,
legged euch jetz aber rasch a,
Röbi, Rosmarie und Gspänli,
putzet sofort eui Zähnli,
Pascal, dänk a dyni Söckli,
Buebe, ässet eui Flöckli,
i zäh Minute müesster goh!
d Nacht isch verby, dr Morge isch do. |