| lyric | 1. Früsch uuf, dir Jeger, früsch uuf zur Jagd!
Es goht i Buechewald use.
Me seit, es sig e Wildsou dört,
doch löit echs nid lo gruuse.
Nur früsch druflos mit frohem Muet!
Me seit, das Fleisch sig donners guet.
2. Und wo si i dald si choo,
so föi si afo roote:
Wie wei mir jetzt die Sach afoo,
as eus dä Fang tuet groote?
Zmachen isch bigost nid guet.
Dir Jeger fasset früsche Muet!
3. Was Tüfels chund jetzt dört für ein?
I glaub, er tuet chli hinke.
Vo Olte isch der Lüthi gsi:
dä bringt de Jegere z trinke.
Jo jo, jo jo, jetzt trinked rächt,
seit, dir jaged gar nid schlächt!
4. Der LEist hed gseit: Verteiled ech!
I wott se go ufmache.
Denn zyled gnau und träffed guet,
es d Lüd nid chöne lache.
Avous, avous, und schiessed rächt,
süst säge d Lüt, mir jage schlächt.
5. Piff paff! Do lyt si scho im Bluet.
Si tuet e gar keis Zeiche.
Es sig der Hauptme Brunner gsi,
dä heig se chöne breiche!
Die Jeger si all freudevoll
und bsungerbar der Hächler Moll. |