| lyric | 1. Wenn es dopplet a dr Türe,
mits im Winter, wenn es schneit,
weiss me scho, wär i sim Mantel
vor dr Türen usse steit.
2. Hübschli wei mer useluege,
hübschli, hübschli d Tür uftue,
und di chunt er scho i d Stube
mit dr grosse Hutte, lue!
3. Under wyssen Augebraue
luegt ddr Samichlaus üs a,
und mir stöö de hindrenander,
s Chlynschte stelle mer vora.
4. Alle sägen ires Värsli,
gä de no nes Liedli dry,
und dr Wienachtsma seit wider,
s nöchscht Johr söll me brever sy.
5. O, wie freue sich die Chinder,
wenns i grosse Flokke schneit,
und dr Samichlaus im Mantel
vor dr Tür usse steit. |