| lyric | 1. Wie gugget nid dr Wyssestei
höch vo dr Jurawand,
us Mattegrüen und Himmelsblau,
im Sunneschyn is Land.
us Mattegrüen und Himmelsblau,
im Sunneschyn is Land.
Ref.: I ha ne gärn und blyb em treu,
mim liebe schöne Wyssestei.
I ha ne gärn und blyb em treu,
mim liebe schöne Wyssestei.
2. Wenn überm Tal der Näbel lyt
und d Täg so düster si,
de zieht me uus, em Jura zue
und juzget eis derby.
Wie schön isch d Wält, juhe, juhei,
do obe uf em Wyssestei!
3. Und wenn de d Sunnes abe goht
und s dunkel wird im Tal,
de schickt sie no zum Abschid schnäll
e letzte guldge Strahl.
Dä gilt ganz einzig und elei,
em Solodurn der Wyssestei.
4. Dr Herrgott zündet Stränli a
am dunle Firmamänt.
Und uf em Bärg drü Liechtli stöh
als Wunsch zum Tagesänd:
Vergiss im Alltag nie, o nei,
bis Solodurn der Wyssestei! |