| lyric | 1. Ha, ha wie neblet er jez, falladeridum,
es rüücht fascht bis an Himel ue, falladeridum,
er setzt de Rogge chech a d’Wand, falladeridum,
und hebet d’Pfiiffe mit de Hand, falladeridum.
2. Und goht er öppe-n-öbers Land, falladeridum,
So henkt er ’s Pfiiffli nöd a d’Wand, falladeridum,
Er nimmt e Päckli voll Tuback, falladeridum,
De Pfiiffestier dezue in Sack,falladeridum.
3. Em Sonntig, jo dò mues zom Schii, falladeridum,
E-n-eigni höbschi Pfiiffe sii, falladeridum,
De Tuback ist ihm gwöss so lieb, falladeridum,
Als mengem Maa sis eige Wiib, falladeridum. |