| lyric | 1. Rüeft im Born der Gugger und hesch au kei Gäld,
stoht doch Baum a Baum voll Meiebluest im Fäld.
Denn bisch gärn im Gäu! Und muesch e Gspanne ha,
wo mit dir ma jutzge und si Freud hed draa.
Chumm is Gäu und blyb im Gäu,
blyb bi eus deheim:
chumm is Gäu und blyb im Gäu,
blyb bi eus deheim!
2. Stoht im Widefäld der Weize guldig rot,
Lerchli gyge i der Luft, wenns Mittag schloot.
Denn bisch gärn im Gäu! Voll Freud packsch gleitig zue,
wätterleichneds übre Nack und d Roggeflue.
3. Wenn der Buchster Bärg i allne Farbe lacht,
Oepfel, Bire, Zwätschge, ryfen über NAcht.
Denn bisch gärn im Gäu! Du trinksch und issisch mit,
Teilsch mit beedne Häng und dankisch däm, wos git.
4. Köörsch, wie d Bise giftig chalt um d Hüser strycht,
wenn der Waidheer tuutet, s Gäutier umme sclycht.
Denn bisch gärn im Gäu! Und d Fuess stellsch ungre Tisch,
losisch, was vor alte Zyte gangen isch.
5. Goosch i d Fröndi lehrsch en angri Art und Sprooch,
gseesch e neue Wält, so fählt dir öpis doch.
Denn chunnsch gärn is Gäu!
Drücksch mängi treui Hand.
Herrgott, bhüet is eusis liebe, schöne Land. |