| lyric | 1. I dr Chlus stoht e höchi Flue;
d Chesteholzer frässe nit gnue!
Pölleri päng, päng, pölleri päng päng,
d Chesteholzer frässe nit gnue!
2. Z Niderbuchste heds gross Buure;
d Oberbuchster si z beduure!
Pölleri päng, päng, pölleri päng päng,
d Ober buchster si z beduure!
3. D Fulebacher hei meh Brönz as Brot;
d Neuedörfer drücken i Chropf was goht!
Pölleri päng, päng, pölleri päng päng,
d Neuedörfer drücken i Chropf was goht!
4. D Wolfeler tüe Bäse binge;
d Egerchinger Putzsang bringe!
Pölleri päng, päng, pölleri päng päng,
d Egerchinger Putzsang bringe!
5. D Oenziger hei zweni z drösche;
und z Härkinge rugge d Frösche!
Pölleri päng, päng, pölleri päng päng,
und z Härkinge rugge d Frösche!
6. D Gunzger Chilchen isch gar grüsli chlei;
uf dr Allmänt heds vill Chiselstei!
Pölleri päng, päng, pölleri päng päng,
uf dr Allmänt heds vill Chiselstei!
7. D Boniger fahre über d Aare;
d Chappeler ziei der Rüebechaare!
Pölleri päng, päng, pölleri päng päng,
d Chappeler ziei der Rüebechare!
8. D Hägedörfer drösche uf em leere Strau;
z Rikkebach gits numen ei hübschi Frau!
Pölleri päng, päng, pölleri päng päng,
z Rikkebach gits numen ei hübschi Frau!
9. Z Wangen isch es Hüenerhuus;
d Oltner frässe d Eier druus!
Pölleri päng, päng, pölleri päng päng,
d Oltner frässe d Eier druus!
10. D Gäuer so gar rächti Lüt;
vode lätze seit me nüt!
Pölleri päng, päng, pölleri päng päng,
vo der lätze seit me nüt! |