| lyric | 1. Es spreizt dr Falke d Fäkke wild
und zeigt sich schwarz im Wappeschiild,
wo wott er ächt go jage?
Hali halo, hali halo, hali hali, halo.
Aer ghört wohl no zu Burg und Schloss,
zu Ritterslüt mit Ross und Tross,
vor vile Johr und Tage.
Hali halo, hali halo, hali hali, halo.
2. Es spreizt dr Falke d Fäkke wild
und zeigt sich schwarz im Wappeschiild,
wo tuet er kreise, schwäbe?
Hali halo, hali halo, hali hali, halo.
Zweu Täler ligge läng usgstreckt,
dur d Jurachettine versteckt:
Do chaner frei no läbe.
Hali halo, hali halo, hali hali, halo.
3. Es spreizt dr Falke d Fäkke wild
und zeigt sich schwarz im Wappeschiild,
wo tuet er ächt wohl näschte?
Hali halo, hali halo, hali hali, halo.
Wo s Flüssli schmal und d Chluse goht.
Und quer der Fels zum Felse stoht:
Dört höch i dunklen Eschte.
Hali halo, hali halo, hali hali, halo.
4. Es spreizt dr Falke d Fäkke wild
und zeigt sich schwarz im Wappeschiild,
a was tuet är hüt mahne?
Hali halo, hali halo, hali hali, halo.
Mir wärde schwarz vo Rauch und Ruess,
das isch der gwohnet Wärchtigruess,
der Dunst vom Chemifahne.
Hali halo, hali halo, hali hali, halo.
5. Es spreizt dr Falke d Fäkke wild
und zeigt sich schwarz im Wappeschiild,
was tuet är hüt mahne?
Hali halo, hali halo, hali hali, halo.
Aer stoht im Bild uf gälbem Grund,
em Sunnebärg si Luft isch gsund,
do chöi merSunntig finde.
Hali halo, hali halo, hali hali, halo. |