| lyric | 1. Juhe, i bi ne Fasnachtsböögg,
mi Narrechappe träg i schräg,
mi Larve gruuset allne lüt,
durs tönts: Jä gäll, du könnsch mi nid!
2. I spring dur d Gasse, i spring der d Strooss
und woni bi, isch öppis loos.
Mis Hörnli ghört me weiss wie wyt,
es rüfet: Jä gäll, du könnsch mi nid!
3. Hüt gilt kei Lehrer, wo mi frogt,
und i bi dä, wo diesi plogt,
es git kei Händel und kei Stryt,
me lacht: Jä gäll, du könnsch mi nid!
4. Juhe, i bi ne Fasnachtsböögg,
i gumpe über alli Häg,
und alles singt und gumpet mit
und juchzt: Jä gäll, du könnsch mi nid! |