| lyric | 1. Mine Huet isch wunderbar,
denn er macht mi unsichtbar
und i zupfe di am Hoor
oder säge dier ins Ohr:
„Gakkergakker, Kikriki!“
und du weisch nid,
wär ’s isch gsii.
2. Und wenn i d’Frau Jöhri gsehn,
hintrem Fenschter mit em Föhn,
schlich i mi ganz liislig aa,
rüefe denn so lut i kaa:
„Gakkergakker, Kikriki!“
und si weiss nid
wär ’s isch gsii.
3. Gohn i n de Hüehnerstall,
Güggel, Hüener überall,
legg i mine Huet schnell aa,
krähe denn so lut ikaa:
„Gakkergakker, Kikriki!“
Der Güggel weiss nid
wär ’s isch gsii.
4. Wenn mi Mueter koche tuet,
schliich i häre mit mim Huet,
ds Poulet in der Pfanne juckt,
kräht uf eimol wie verruckt:
„Gakkergakker, Kikriki!“
niemer merkt, dass i’s bin gsii.
5. Geschter händ die Grosse glacht,
gredet bis spoot in der Nacht.
I han ehrlich niemer gstöört,
und doch han i alles ghöört:
„Gakkergakker, Kikriki!“
s’isch im Fall langwilig gsii. |