| lyric | Es Lama in der Pampa
loht sine Schwanz lo plampa,
denn schwingt’s ne hi und här,
und süüfzget einsam, schwär:
Do het’s kei Panorama,
und das isch für es Lama,
e Megapampa-Megapampa -
Megapampadrama.
Das Land isch flach wie ne Pizza,
kei Berge hät’s, kei Spitze,
so platt und flunderflach,
kei Bäum het’s und kei Dach.
Es Lama ohni Landschaft,
Fründe und Verwandtschaft
Hügel, Felse, Pass,
hät eifach gar kei Spass,
denn ohni Panorama
isch ds Läbe für es Lama
es e Megapampa-Megapampa -
Megapampadrama.
Das Lama fangt a trampa
und zauberschpuckt in d’Pampa
en Hügel und en See,
es Huus und no viel meh,
es zauberspuckt es Land
viel Berge in de Sand
scho kömmend ganzi Schara
vo Lama go ga ds fahre,
die findend ds Panorama
vom Zauberschpukkerlama
e Wunder und e Wunder
und e Wunder und keis Drama. |