| lyric | 1. Im Munggeloch isch luschtig,
im Munggeloch isch glatt,
do mached sich die Murmeli
für d’Winterziit parqat.
Sie bauend ires Näscht
und polschterends mit Heu,
ds Murmeli Matilde
suecht noch Männertreu.
2. Männertreu sind Blueme,
die schmekkend vo Vanil.
Si gänd ds Prafüm in d’Höli,
wo hebt bis im April.
Bis SUnne wieder warm git
und d’Wiese wieder blüet,
singend alli Murmeli
im Munggeloch das Lied:
3. ImMunggeloch isch luschtig,
im Munggeloch isch glatt,
do machend sich die Murmeli
für d’Winterziit parat.
Sie kuchelend sich zämme
und luegend sich in ds’Gsicht,
ds Murmeli Matilde
verzellt e langi Gschicht.
4. Vom Summer und vor Sunnne,
vom Mond und au vom Wind,
vo döt, wo die zwei Murmeli
verrusse glägge sind,
und wo der Adler kho isch
ud si hät fascht verwütscht,
wärend sie nid schnell
ins Munggeloch verzischt.
5. Und jetzte tüend si schloofe,
die Mungge gross und kli,
und träumend vo däm Adler
und vom Sunneschii,
und wenn sie mol verwachend,
dänn fressends e kli Heu
und schnupperend verschloofe
an ihrem Männertreu.
6. Im Munggeloch isch luschtig,
im Munggeloch isch glatt,
do mached sich die Murmeli
für d’Summerziit parat!
Ds Murmeil Matilde
rüeft: „Früeli, sölsch jetz kho!
Mier wettend wieder usse,
de Sunnestrahle no!“ |