| lyric | 1. Es Huus uf em Hügel
und es Fenschter isch off,
e Frau winkt döt usse,
und en Hund bellt im Hof.
2. E Maa schitet Schitli,
und die bringt er ins Huss,
und d’Frau macht
es wunderprächtigs Fürli döt drus.
3. Das Füür brennt im Ofe,
und der Teig uf em Tisch,
dä wartet so lang,
bis er en Zopf worde isch.
4. Der Maa goht in Keller
für e Guttere Wii,
grad eini vom feine,
feiner könnt er nid sii.
5. Der Maa und si Frau
die schüttlend Deckbetter uus,
wie Schneeflocke wirbeland
doe Fädere um ds Huus.
6. Dänn lönd sie heiss Wasser in
e Holzzuber ii,
es Wasser wo guet schmeckt
und no blöterlet derbii.
7. Warum kömend denn die Kinder nid,
s’wär alles parat,
s’Ässe und ds’Trinke
und es Bett und es Bad? |