| lyric | 1. Kumm, mier tauchend abe in dä See,
döt kasch du en Wundergarte gsee.
Ds waser blau und pudelwudelwarm,
unter üs do schwimmt en ganze Schwarm
Fisch, und wenn ma lisli, lisli isch,
ghört me ds Lache vo de Fisch.
Und wenn du losisch, ghörsch du no viel meh.
Kumm, mier tauchend abe in dä See.
2. Dunne uf em blaue Grund vom See,
in dem Garte kasch du Wunder gsee.
Blot’re blubbrend nblubbrig us em Kies,
Krüter wachsend do, e ganze Wies,
Wassermusik ghört me vo wit her,
und es schmeckt, als ob’s voll Blueme wär.
Und wenn d’schnupp’risch,
schmecksch du no viel meh.
Kumm, mier bliibend uf em Grund vom See.
3. Es isch kugelluschtig do im See.
Häsch das gelbe Waserrössli gsee?
Purzelnd mit ihm Purzelböim in Sand,
wirblend mit den Arme umenand,
schwäbe, tanze, flüge wie nes Blatt,
rolle, tolle wie nes Wasserrad,
und wenn d’willsch, denn kasch du no viel meh.
Kugelluschtig isch es do im See.
4. Tüüf im Garte dunne vo däm See,
wachsd e roti Blueme use m Klee.
Und es Liecht, hell wie ne Sunnestrahl,
schiint in Garte inne, und uftsmol
wirblet’s üs mit Höllapolterschuss
abe in en Unterwasserfluss.
Strudel, Strudel, was isch mit üs gscheh?
Ds Wasser hät üs furtgspüelt us em See. |