| lyric | 1. Tut las damauns ein bials e cars
da tia grazi’ ils radis clars.
Perquei, o Deus, nus elegrein,
en tei er oz fidonz’ anflein.
2. La glisch per tut la vet’eis ti
A nus regalas gi per gi
quei che nus vein il pli basegns,
nus fleivels cun carezia tegns.
3. Da nus ti veglies bandischar
la stgiradetgna dil malfar.
Mantegn nus ella caritad
per nus curar da tschoccadad.
4. O Segner, porsch’a nus tiu maun,
pertgira nus oz e damaun,
che nuot separi nus da tei.
Dai ti carezia, pasch e fei.
5. Lu, Segner, mein nus legramein
per nossa via ed anflein
adina novs e bials plaschers
e dein a ti nos lauds sincers. |