| lyric | 1. Ludei el Segner engrazieivels.
En tut el ei gie bundadeivels.
Cun legher cor el celebrei
e dapertut udir seschei
per annunziar ch’el ei grazius
e ch’ el ei gi per gi cun nus.
2. Gie, encuri la fatscha sia,
pertgei en el anfleis legria.
Mirei las ovras che el fa
e tut la grazia che el ha
per nus signai da tons puccaus.
Siu num sontgissim sei ludaus!
3. Il Segner ha gidau siu pievel
tras tontas stgiras vals da prighel.
Er cur che tut parev’envaun,
ei cumparius puspei siu maun,
salvond da tema e sgarschur
tut quels che crein en si’amur.
4. Pilver, mirei, bugen el gida,
e sia grazia mai semida.
Dad encurir buc tralaschei
il Segner en cardientsch’e fei.
El ei cun nus er el vegnent.
Ludei, ludei il Tutpussent! |