| lyric | 1. Da tei ludar a nus ei s' auda,
o Deus d’ eternitad.
Ti che fas grazia, nus exaudas
cun gronda caritad.
Ti veses nus en bia pitgiras,
conuschas nos puccaus.
Mo ti eis quel che nus pergiras,
all’ olma das ruaus.
2. Gie, ventireivels quels che vegnan
per tei, 0 Deus, tschercar.
Da tei els igl agid survegnan
che ti a tuts vul dar.
0 Segner Deus, er nus retscheiva,
essend a nus grazius.
Ord tiu buccal noss’olma beiba
quei che reviva nus.
3. Ti fas sin tiara grondas ovras,
ti Deus e Creatur.
Cun tia forza ti sedrovas
d’omar tut cun splendur.
Er nossa patria ei fittada
da tei schi splendurent.
En flums e lags, cuolms e valladas
ei tiu sogn maun pussent.
4. Ord tia grazia lais ti plover
sco era dar sulegl
per la raccolta bein promover
pil giuven e pil vegl.
O Segner, ti fas ventireivels
nus oz e gi per gi.
Fai po nos cors pli engrazieivels
a ti, nies Bab, a ti. |