| lyric | 1. Uss conta, olma mia, stai si e conta bein
a Deus che l’ovra sia dirgeia sontgamein.
Schi gitg che jeu er vivel, jeu vi ad al cantar,
pertgei nu’ ch’jeu ual mirel, ves’ jeu siu operar.
2. Beaus quel che garegia il soért dil Deus vivent.
Beaus quel che baghegia sin el sco fundament.
Quel ha la part plui buna per l’olm’ e sia sort.
Quel viv’ en la fortuna che cuoz’ en vet’ e mort.
3. Ah, jeu sun memia fleivels per dar ad el l’honur.
Spir el ei meriteivels, jeu ina paupra flur.
Damai che jeu er s’audel tier el, tiel pievel siu,
da cor jeu Deus oz laudel, el, il Salvader miu. |