| lyric | wi me sech doch mängisch missversteit
i ha gmeint, i heig ihm dütlech gseit
was i well, dass är
mir i ds hus spedier
jitz schickt dä statt a bratwurscht es klavier
nid dass gäg klavier ig öppis hätt
nei, ou es klavier isch an sich nätt
aber zu salat
röschti u’mne bier
nimmt me doch e bratwurscht, kes klavier
i wott gwüss nid stur sy, s’ligt mer färn
teil hei vilicht bratwürscht gar nid gärn
trotzdäm wär e mönsch
vo’re sältne gier
nähmt er statt e bratwurscht es klavier
zueggä, dass sech d’bratwurscht nid empfllt
wenn me gärn e chopin-walzer spilt
ja vilicht für das
nähmt i allwäg schier
lieber als e bratwurscht es klavier
aber i ha hunger, wär gärn satt
sitze vor myr röschti mit salat
chätsche da drzue
zwüsche zwee schlück bier
luschtlos a’re taschte vom klavier |