| lyric | drü- viermal hesch scho gseit gha: i sött hei
aber jitz ersch chunnsch im mantel us em hus
schlasch dr chragen ufe: d’nacht isch chüel
s’fahrt jitz lang scho kes tram meh, d’stadt isch läär
und du dänksch a morn am morge: s’isch der glych
und du machsch di uf e heiwäg z’fuess
s’het chly grägnet, und uf dr nasse strass
gseht me d’spiegelig vom strasselampeliecht
d’outo glänze näbem trottoirrand
uf dr strass chunnt jitz non e letschte
bsoffne derhär und luegt di a vorwurfsvoll
wi we du tschuld wärsch, dass d’wält so suuft
und du loufsch und bisch widerum alei
dyni schritte tönen unaständig lut
und du fragsch di, öb ächt si scho schlaft |