| lyric | e ma namens bill
chunnt i ds dorf z’ryte, wil
är hie wyt vo daheim
uf dr suechi nach eim
isch, wo het es verbräche
begange, für’s z’räche
scho het er bis jitze
drei vo de komplize
verwütscht, doch isch äbe
no einen am läbe
dä suecht er sit jahre
so het men erfahre
jitz macht i därn ort
sech e bande zum sport
alli lüt z’schygganiere
und z’terrorisiere
dr chef isch ganz schlimm
und heisst tennessee-jim
und wär isch dä ma
wo dr bill gsuecht het? ja
es verratet’s es wyb
mit’re chuglen im lyb
no mit stärbender stimm:
dr tennessee-jim
jitz zwyflet me nümm
dass er schlimm isch dr jim
und dr bill wott ne finde
da chunnt er vo hinde
doch dr bill isch nid tumm
und er chehrt sech schnäll um
macht pum!
und zfride zum chino us
geit ds publikum |