| lyric | 1. Ich ha i mim Zimmer won ich wohn
überm Bett, überm Bett, überm Bett
en munggelibruune Luftballon
rund und nett, rund und nett
Me gseht's em aa, er isch no schüüch
trotz siner chugelrunde Pracht
Doch wänn ich under d‘ Decki chrüüch
dänn seit er mir: Guet Nacht !
2. Min munggelibruune Luftballon
liebi Ziit, liebi Ziit, liebi Ziit
Dä süfzget im höchste Gummiton:
ch‘hett e Bitt, ch'hett e Bitt, ch'hett e Bitt
Ich flüügti gern i d' Wulke ue
deet sind mir Ballön doch dihei
Worum losch Du es Fänschter zue?
Ich bi do so ellei.
3. Do speer ich di grossi Balkontür
ganz wiit uff, ganz wiit uff, ganz wiit uff
Bim nachtchüele Wind, wonich etz gspür
fallts mer uff, fallts mer uff, fallts mer uff.
Ich gseh, wes Dir etz wöhler isch
am liebschte flüügt ich grad mit Dir
Doch wänn Du bi de Wulke bisch
dänn säg en Gruess vo mir.
4. Min munggelibruune Luftballon
äntli frei, äntli frei, äntli frei
dä flügt als min Wulke-Postillion
zu sich hei, zu sich hei, zu sich hei
Min Gruess isch sicher ufecho
ich weiss da nämmli würkli guet
will mir e wissi Wulke scho
ganz früntli blinzle tuet.
5. Ich ha i mim Zimmer wonich wohn
allerlei, allerlei, allerlei
doch min munggelibruune Luftballon
isch etz hei, isch etz hei, isch etz hei.
Doch hie und da, do fallts em ii
wänn ich scho schloof zmitzt i de Nacht
do chunnt er gschnäll im Traum verbii
seit: Hoi, we gohts? Und lacht. |