| lyric | 1. De Tuusigfüessler Balthasar
mit siine tuusig Füesse
hät letschthin uf die ander Strossesiite übere müesse.
Er wartet brav ufs grüeni Liecht,
doch hät er siini Not:
Di vordre Bei händ grüen — doch alli hindre händ scho rot!
Ref.
Himmel Tunner Toria
ich cha doch die nid däne laa!
Himmel Tunner Toria
Tippel Tappel Tippel
Dibidibi Tippel Tappel Tippel
Dibidibi Tippel Tappel Tippel
Tip Tap
2. Em Tuusigfüessler Balthasar
isch's würkli nümm zum Lache:
Er sötti nämmli siehe Wuche Militärdienscht mache
S'Marschiere schön in Reih' und Glied isch schwierig vorderhand
de Balthasar hät mit de Füess en bööse Durenand!
Ref. Himmel Tunner Toria
etz fangt dä no de Passgang aa!
3. De Tuusigfüessler Balthasar
muess wiiti Strecke laufe,
drum wott er sich im nöchschte Lade
Wanderschueh go chaufe.
D‘Verchäuferi, die bringt es Paar, und stellt's em vorne hii.
De Balthasar seit: ""Jemis Troscht, da langt doch niene hii!""
Ref. Himmel Tunner Toria
ich muess de ganzi Lade ha!
4. Em Tuusigfüessler Balthasar
si Tante, d'Tante Rosi,
die lismet für d'Verwandschaft,
und do chamer sicher froh si.
Für d'Wiehnacht gitts de Enkelchinde Socke,
nei we schnusig!
(Bi siehe Enkelchind macht da pro Wiehnacht siehe tuusig!)
Ref. Himmel Tunner Toria
do muess me rächt vill Wulle ha!
5. Em Tuusigfüessler Balthasar
däm gohts sit neuem schitter.
Er hät i eim vo siine Füess en risig grosse Splitter.
Er goht zum Unggle Tokter, und dä seit: ""Da goht ganz gschwind
wänn ich de chranki Fuess us allne andre use find ....""
Ref. Himmel Tunner Toria
er isch mit Sueche hüt no dra
6. De Tuusigfüessler Balthasar
dä hät sis Herz verlore:
Er hät e Balthasine für sin Läbeswäg erkore.
Er hebt si fescht, mit allne Füess, und gitt ere en Chuss.
(Sit do gitts uf de ganze Walt de erschti Rissverschluss!) |