| lyric | En chliine Zug
schnuuft fröhlich über d‘Fälder
en chliine Zug
dampft gmüetli d'Wise uff
und vo wiitem ghört me scho dur d'Wälder
tschi tschi pfu, tschi tschi pfu
vom chliine Zug
Und scho steht
bim Huus vo der Barriere
d‘Wärtersfrau
wie jede Tag parad
und si lacht ganz liisli vor sich häre wägem
tschi tschi pfu, tschi tschi pfu
vom chliine Zug
Hoch i blauer Luft
do saust e Flugi verbii
und als Gruess verpufft
de chli Zug e paar Wölkli hinedrii
En chliine Zug
dä stampft bi jedem Wätter
quiiiiiitschvergnüegt
dur en Zipfel vo de Wält
und di ganzi Landschaft isch vil glätter
wägem tschi tschi pfu, tschi tschi pfu
vom chliine Zug
Doch leider gitts en Huufe Lüt wo säged: Jeemis Troscht!Mir zahled doch nid Stüüre für e sone lahmi Poscht!
Dä chli Zug isch veraltet
rändiere tuet er nid
es isch glaub für de Lokifriedhof allerhöchsti Ziit!
En chliine Zug
hät sini Schlacht verloore
en chliine Zug
wiicht de modärne Ziit
Doch no lang
töönts mängem i de Ohre:
tschi tschi pfu, tschi tschi pfu
vom chliine Zug |