| lyric | De Plitsch und de Platsch
zwei Rägetropfe wirbled dur de Wind
plitsch und platsch
sind froh, dass Rägetröpfe sind
si plitsched und platsched und plotsched e bitz
und de Plitsch seit zum Platsch und de Platsch seit zum Plitsch
wa stelled mir hüt aa?
1. Det d'Jumpfer Gret chunnt grad zum Coiffeur uns
si hät etz lockig gstrählti Hoor
si lauft ganz stolz, luegt wenen Filmstar uns
und chunnt sich furchtbar wichtig vor
De Plitsch und de Platsch
die landed uf em Hoor
und d'Locke werded schlaff
und wo sich d'Jumpfer Gret im Spiegel gseht
herjee, do isch si baff
2. De alti Franz im Lade vis-a-vis
dä schimpft und grochset wie nid lätz
er cha mit Nütem richtig zfride sii
und chunnt Wäg allem grad i d'Sätz
De Plitsch und de Platsch
die hänked sich etz gschwind
an Nasespitz vom Franz
und will de Franz etz furchtbar nüsse muess
vergisst er s'Schimpfe ganz
3. Bim Parkverbot do steht en Polizischt
er schloot grad s'Buessebüechli uuf
Man weiss, dass Parken hier verboten ischt
drum schriib ich etz dä Sünder uuf.
De Plitsch und de Platsch
die schlierped über d'Schrift
und s gitt en blaue Fläck
alls isch verwüscht, de Polizischt seit: ach
mir länd die Buesse wäck
4. Doch eimol hört de längschti Räge uf
und d'Sunne luegt dur d'Wolke uns
si wärmt di chalte Strosse wieder uf
und schickt drum ihri Strahle uns.
De Plitsch und de Platsch
die holt si zu sich ne
ganz wiiti d'Wulkewänd
deet warted beid, bis d'Lüüt im chliine Dorf
vo neuem Räge händ |