| lyric | Chliini Wulke Hurrlibutz
du bisch ganz dräckig, himmelstutz
e rächti Wulke, jo bimeid
die treit e wisses Kleid!
Wie flügsch mer au devoo
da goht doch nid eso
jo aber nei, du bisch ganz SCHWARZ
1. Ich ha, seit d‘Wulke Hurrlibutz, e chliises Ugfell gha
ich triff do uf mim Wulkeflug de Chämifäger aa
Er messed grad es Chämi uus
ich hilf em chli debii
do mues ich mit mim wisse Wulkechleid
am Chämi phanget sii
ROT
2. Ich bi, seit d'Wulke Hurrlibutz, im Meer go bade gsii
chuum hanich mit de Möve gspillt, do isch scho Obig gsii
Di roti Sunne taucht is Wasser ie
grad wienen glüehige Ball
kei Wunder, isch mis wissi Wulkechleid
ganz rot etz überall
BRUUN
3. Ich kann, seit d‘Wulke Hurrlibutz, im Wald en alte Maa
wo vor sim chliine Jägerhuus guet Würschtli broote cha
Dä bruuni Rauch, dä schmückt so schüli guet
doch gsehn ich etzed ii
ich bi gwüss mit mim wisse Wulkechleid
chli znöch bim Füürli gsii
GRAU
4. Es hebt, seit d'Wulke Hurrlibutz, im zähte Stock von Huus
e Frau de Fluumer grad vermss, und schüttlet chräftig uus
do flüügt er furt, de ganzi gran Staub
wos i de Wohnig gitt
Kei Wunder träg ich uf mim Wulkechleid
e ganzi Ladig mit.
Chliini Wulke Hurrlibutz
du bisch ganz dräckig, himmelstutz
doch mach der wäge däm nüt drus
mir wäscheds eifach uus.
Es sind im Himmelriich
nid alli Wulche gliich
du Hurrlibutz, ich mag Dich gliich. |