| lyric | 1. Tue Dir doch nid sälber leid, will alte Chummer truckt,
mach Dir aber au kein Himmel vor
vo zvill ""wänn"" und ""aber"" wird de Augeblick vertruckt
Gspüüre im Momänt isch immer wohr
Wärm Dis ganzi Seelegnusch vo früehner nid no uff
mach kei Plän für mom und d'Ewigkeit
alti Wunde, neui Hoffnig - pfiiff uf beides druff -
hüt isch hüt, und etz, do simmer z'zweit:
Ref. Geschter isch jo so wiit ewägg
und mom isch no so fern
chomm, mir gumped in Momänt
chomm, mir händ üs gern !
2. Glück, da wär de Zuestand, wo so gar kei Zuekunft kännt
vilicht hebt er nu en Augeblick
Glück isch immer etzet, und genau i däm Momänt
vo de Ewigkeit en chliine Zwick
Gegesiitig sich vertraue bruucht kei logischs Netz
froog etz nid worum und nid weso
chumm mit mir uf's höchi Seil, grad im Momänt und etz
s'chunnt scho use, so we's sötti choo
3. Komisch, s'gitt en Huufe Lüüt, die stelled sich nie ii
uf en würklich glückliche Momänt
immer isch scho grad es schlächti Gwüsse mit debii
wo si vorem richtig gnüüsse trännt.
s'bruucht, ich wüür scho säge, fascht e Sälpferständlichkeit
wome au scho wartet uf sis Glück
Erscht parad sii macht dänn us em Traum e Würklichkeit
we wärs hüt mit some chliine Stück? |